Аргентинскиот фудбалер Серхио Агуеро со својата девојка Софија Калцети одмараат во Дубаи каде се опоравува од срцевите проблеми поради кои најверојатно ќе ја прекине својата кариера.

Аргентинецот го запрепасти фудбалскиот свет кога во првото полувреме од натпреварот помеѓу Барселона и Алавес се фатил за белите дробови и побарал замена бидејќи не можел да дише. Веднаш му биле дијагностицирани срцеви проблеми поради кои Агуеро најверојатно нема повеќе да го гледаме на фудбалските терени.

Пред него претстои период со опоравување. Деновите ги искористил за да го посети Дубаи со својата девојка Софија Калцети од каде парот објавил неколку фотографии од различни локации.

Софија и Агуеро заедно тренираат во теретана, а големо внимание привкле фотографијата од парот кој вежба на врвот од зградата со прекрасен панорамски поглед на Дубаи.