Странските медиуми пишуваат за наводното раскинување на Ријана и Асап Роки!

Откако еден странски новинар објави на Твитер дека бремената Ријана и таткото на нејзиното неродено дете, раперот Асап Роки наводно раскинале по модната недела во Париз, социјалните мрежи „изгореа“.

Како што се наведува, раперот ја изневерил пејачката со нејзината дизајнерка на чевли Амина Муади и негова некогашна девојка.

– Ријана и Асап Роки се разделија. Ријана раскинала со него откако претходно го фатила како ја изневерува со дизејнерката на чевли Амина Муади, пишува во твитот на новинарот, кој додаде дека Асап и Амина излегувале пред неколку години и дека соработувале на колекции на чевли.

Овој негов твит направил голема збрка, а странските медиуми пренеле и дека Ријана и раперот се видовени во еден ресторан во Лос Анџелес, каде пејачката плачела на масата, па објектот го напуштила без Асап.

Многумина на мрежите истакнале дека не веруваат дека Ријана и раперот раскинале, а парот се уште не се огласил по овој повод.