Неодамна се навршија 28 години од смртта на легендарниот пејач Тома Здравковиќ, а неговата сопруга Гордана за српски Блиц се присетува како изгледал нејзиниот живот со пејачот.
Таа по неговата смрт се вратила во Канада каде живее и неговиот син Александар.
-Нашето запознавање се случи во Торонто сосема случајно. Тома пееше во некоја кафеана каде започна се, а потоа се венчавме и живеевме заедно до неговата смрт вели Гордана и додава:
-Кога доаѓам во Србија секогаш мислам дека ќе го сретнам него, додека не дојдам на неговиот гроб и да сфатам дека навистина повеќе го нема.
Таа вели дека не му замерува бидејќи лесно се заљубувал.
-Мене тоа не ми сметаше бидејќи тој инспирацијата ја пронаоѓаше сретнувајќи многу жени. Воопшто не се сомневам дека се заљубувал повеќе пати, бидејќи беше таков по природа, вели таа за српски Блиц.
