Името Дино Мерлин на јавноста и е познато со децении, но малкумина знаат дека тоа е само уметничко име на славниот пејач.

Музичарот од Сараево никогаш не објаснил зошто го избрал тоа име, со оглед на тоа дека тоа нема никаква врска со неговото вистинско име.

Имено, она што е познато е дека Мерлин бил волшебник или келтски свештеник, кој се појавува во британските легенди во 12 век и се поврзува со кралот Артур. Историчарите не можат да потврдат дали навистина постоел. Она што со сигурност се знае е дека Мерлин не е вистинското презиме на познатиот пејач, туку само прекар.

Неговото вистинско презиме е Дервишалидовиќ, а она што е интересно е дека пејачот всушност не се вика Дино. Во матичната книга на родените пишува дека неговото вистинско име е Един Дервишалидовиќ.

Дино веројатно е прекар од детството, создаден како игра со букви, но пејачот никогаш не проговорил на оваа тема.