Неколку дена по веста дека Џеј Рамадановски не е помеѓу нас, не запираат реакции во јавноста. Со Фолк пејачот Џеј Рамадановски, кој по-чина вчера на 57-годишна возраст се збогуваа многумина.

Срцето на Џеј престана да чука во неделата на 6-ти декември, а само три дена пред смртта тој посетил и кафеана.

Вработените во локалот „Цезар“ во Дорчол, Белград за српска Нова.рс изјавија дека постојано го гледале Џеј Рамадановски, и дека споменатото место му било омилено место во градот, каде што, меѓу другото, организирал и слава секоја година.

„Нашиот Џеки замина. Овој објект постои долго време, а беше препознатлив по него. Застануваше секој ден. Понекогаш пиеше кафе и виски стоејќи набрзина, а понекогаш можеше да седи цел ден и цела ноќ.

Тој славеше слава тука, некогаш родендени. Последен пат беше овде пред три или четири дена пред смртта. Тој беше добар, толку весел и насмеан. Дури и пееше, но не звучеше како порано.

Го изгуби гласот одамна, но никој не го обвинуваше затоа што тоа беше Џеј – кралот на Дорчол. Тој сакаше да јаде и пие, но му здосадивме со нашите пијалоци. Тој сакаше домашно и мрсно“, изјавиле вработените во кафеаната „Цезар“.

Новинарите при посетата на кафаната затекнаа карти за играње, тефтерче на кое Џеј запишувал резултати, како и неговите очила кои ги заборавил при заминување.

Како што наведуваат вработени, овие работи ќе останат како сувенир од Џеј кој за последен пат бил кај нив.