Една од најуспешните манекенки Адријана Лима со години ја носеше титулата најубава жена на светот, а сега често е мета на критики поради својот изглед откако се породи по трет пат.
Заедно со нејзиниот партнер, папараците ја фотографираа на аеродромот во Сиднеј, каде се враќала дома од Светското првенство на ФИФА за жени, чиј амбасадор е.
Гламурозниот изглед го заменила со лежерна комбинација носејќи црна тренерка и патики.
Многумина забележале дека нејзиното лице се променило, а не се знае дали тоа е поради хормоните или прекумерниот ботокс.
Манекенката повторно стана мета на критики за својот изглед, а неодамна изјави дека понекогаш се чувствува несигурно и дека мора секој ден да се потсетува дека е човек.
