Холивудската актерка Кејти Холмс не е многу активна на Инстаграм, но овојпат сподели семејни фотографии на својата ќерка Сури Круз додека си игра со децата во бегалскиот камп Морија во Грција.
Кејти и Сури поминале извесно време во кампот со децата и со нивните мајки. Кампот Морија е сместен на грчкиот остров Лезбос, а лани беше во сите медиуми претставен како место со страшни животни услови.
Пред сè, кампот е пренаселен. Има капацитет од 2.000, а во него живеат 9.000 бегалци. Приказните од кампот се страшни , како онаа на докторот од организацијата „Лекари без граници“, Деклан Бари, кој наведува дека силувањата се секојдневие , па дури и на петгодишни деца. И папата Франциско при неговата посета на Лезбос го спореди кампот со концентарационен логор.
Со оваа посета Кејти Холмс и нејзината ќерка сакаа повторно да се обрне внимание на нехуманите услови во кампот. По сè изгледа и двете учествуваа во снимањето на документарен филм за кампот, зашто на фотографијата се гледа и камера во позадина.
Поврзани вести
Сама ја чува ќерката која ја доби со Том Круз: Еве како денес изгледа прекрасната Кејти Холмс (ФОТО)
Том Круз се разбуди: Пет години си ја немаше видено ќерката, а сега му текна дека е татко
