Пред неколку дена на Фејсбук е објавена фотографија на која се прикажани последните моменти од сетот за време на снимањето на филмот „’Рѓа“, по што се случи големата трагедија.
Актерот Алек Болдвин, како што е познато во јавноста, снимајќи сцена смртно ја погодил директорката на фотографија Халина Хачинс, а по ранил режисерот Џоел Соуза.
Фотографијата од снимањето ја објавил член на сетот, кој напишал дека станува збор за последната фотографија со Халина од снимањето.
Најверојано фотографијата настанала во внатрешноста на црквата каде било снимањето. На фотографијата се неколку членови на филмската екипа кои стојат околу Болдвин, кој е во костим. Халина е свртена со грб на фотографијата. На главата носи капа и слушалки. Со лицето е свртена кон Болдвин кој пукал.
