Андреј Анчевиќ (35), кумот на поранешната естрадна двојка Ана Николиќ и Стефан Ѓуриќ Раста, почина во неделата.

Неговото безживотно тело во семејниот дом во Лештани го пронашла неговата сопруга Сања. Како што дознава ПИНК.РС, Анчевиќ со часови не одговарал на телефонот на сопругата, што и било сомнително.

Поради тоа што не одговарал на нејзините повици и пораки, таа се вратила од Врњачка Бања каде престојувала кај родителите. Веднаш штом влегла во куќата, затекнала страшна глетка. Таа веднаш повикала брза помош и полиција. Лекарите можеле да констатираат само смрт, а причината за смртта уште не е позната.

Андреј ги венча Ана и Раста во 2016 година, а заедно со нив, откако се венчаа во општина Вождовац, заминаа на летна турнеја во Хрватска и Црна Гора.  Андреј ги возел бидејќи бил вработен и како нивно обезбедување.

Инаку, тој е познат по своето проблематично однесување. Тој минатото лето направи сообраќајна несреќа на патот Смедерево, малку пред Грочка и во таа прилика ја сними сопствената несреќа. Додека возел рапувал со гласна музика, а потоа се случило превртувањето. Летало низ три дворови, БМВ-то завршило на покривот, а тој сето тоа го снимил и го објавил на социјалните мрежи.

Во 2018-та година, тој беше застрелан во ногата пред неговиот ресторан по роденденска забава. Тој тогаш во полиција изјавил дека ги познава неговите напаѓачи, но нивниот идентитет не го открил на распитот.

Анчевиќ и бил добро познат на полицијата, а криминалец станал уште додека бил малолетник. Сакаше да се дружи со познати личности, па на социјалните мрежи често објавуваше фотографии со јавни личности.