Македонската актерка Јелена Јованова пред некој ден првпат се реализираше во улогата на мајка.

Таа се породи во Загреб и на свет донесе син за кој го одбра името Јаков. Прв на социјалните мрежи и честиташе македонскиот шоумен Игор Џамбазов.

Неколку дена по породувањето, Јелена излезе од болница и сега е дома. По тој повод, таа ја објави првата фотографија, а во описот напиша емотивна порака за синот:

“Покрај секојдневните предизвици (добри и тешки), покрај земјотреси и пандемија од коронавирус (или пландемија- одберете во што ќе верувате), дома сме, а јас сум уште посилна по сето ова.Ви благодарам за желбите“, напша актерката.

Под објавата се нижеа честитки од нејзините следбеници, пријатели, а меѓу нив и од Тијана Дапчевиќ која напиша:

„Аааааааа честито Периќи. Да е здрав и среќен, голем да расте. Едвај чекам да го запознам“.