Јелена Розга повторно е сама, само неколку месеци откако во хрватските медиуми одекна веста дека пејачката е во врска со готвачот Иван Пожанин.
Откако ја раскина веридбата со виолончелистот Стјепан Хаусер, Розга не се појави во јавноста со посилна половина, а многумина ги интересира дали пејачката повторно е заљубена. Неодамна, хрватските медиуми објавија наводи дека срцето на Јелена го украл готвачот Иван Пожанин, а таа сега го негираше тоа.
View this post on Instagram
„Јас сум соло“, кратко искоментира пејачката, која ретко зборува за својот приватен живот откако се раздели со Хаусер.
Меѓутоа, на прашањето што е вистинска љубов за неа, таа посочи:
– Лојалност, доверба и верба.
Таа призна дека секогаш е со позитивен дух, бидејќи се весели на разни ситници, но дека секогаш плаче за неправда. Како што вели, ако сакаме да го задржиме веселиот дух, најважно е да научиме да се заштитуваме.
– Сакајте се и почитувајте се. На тој начин, ќе научите да бидете сакани и почитувани од другите. И тогаш можете да го формирате вашиот свет во кој ќе бидете зачувани и во кој сте недопирливи – нагласи пејачката.