Какви парфеми користат Кејт Мидлтон и Меган Маркл? Ако некогаш сте се запрашале како мирисаат овие две познати дами, британските медиуми сега го открија тоа заедно со анегдота за кралското семејство.

Сопругите на британските принцови со години се мета на озборувања дека не се согласуваат добро, но сакаат ист бренд парфем, па дури и слични мирисни ноти.

Каков парфем користи Кејт Мидлтон?
Луѓето кои имаа чест да ја запознаат Кејт Мидлтон велат дека војвотката од Кембриџ „прекрасно мириса“ – на овошје и цитрус и сака освежителни парфеми. Омилен парфем на Кејт Мидлтон е „Orange blossom“ од Џо Мелоун, кој покрај мирисот на портокали има ноти на цветови од мандарина, бели лилјани и дрво.

Овој парфем чини околу 65 евра едно шише, а Кејт ги обожава и миризливите свеќи од истиот бренд. Очигледно на кралската венчавка со Вилијам користела свеќи со мирис на портокал.

Каков парфем користи Меган Маркл?
Актерката Меган Маркл сака и свежи, овошни парфеми со ноти од цитрус, но користи многу поскап бренд од Кејт. Сопругата на принцот Хари во едно интервју изјави дека толку многу ги сака парфемите што ако излезе од дома и заборави да го стави омилениот мирис, дефинитивно ќе се врати да го направи.

Меган го користи парфемот “Oribe – Cote D’Azur”, кој има ноти на лимон, портокал, бергамот и бобинки. Овој парфем постои од 2014 година, но е прилично скап, бидејќи едно шише чини 143 евра.

Но, има уште неколку парфеми што ги сака, имено „Wild bluebell“ и „Wood sage&Sea salt“ од Jo Malone, како и „Bulgari Blvd“.

Инаку, правилата на кралското семејство налагаат никој од членовите не смее да им дава комплименти на граѓаните за парфеми. Ако навистина им се допаѓа вашиот парфем кога ќе се сретнете, не можат секако да се изразат, туку само да ви кажат дека „пријатно мирисате“.