Џина Џиновиќ, ќерката на Харис и Мелина Џиновиќ, на своите следбеници на Инстаграм им потврди дека раскинала со фудбалерот Андреј Ѓуриќ.

Како ќерка на познати родители таа е многу популарна на Инстаграм,  па не треба да чуди интересот за нејзиниот приватен и љубовен живот, а едно од многуте прашања што се појавија беше поврзано со врската со нејзиниот дечко.

„Андреј е најдобрата душа што ја познавам и го почитувам, ценам и сакам толку многу што не можам да почнам да опишам колку му се восхитувам. Тој во секоја смисла е единствениот маж за мене, сега не е моментот за нас. Тоа не значи дека еден ден, без разлика дали за четири, пет месеци или две години, нема да се вратиме еден на друг“ напиша таа.

Имено, фудбалерот неодамна потпиша професионален договор со словенечкиот тим Домажале, што ги подгреа сомнежите дека овој млад пар ќе го продолжи заедничкиот живот. Се шпекулираше и дека главен противник на ваквата одлука бил нејзиниот татко Харис, кој не бил за тоа неговата ќерка поради љубов да го напушти училиштето и да ја напушти Србија на толку млада возраст.