Американската актерка Меган Фокс била толку воодушевена од новата фотографија на нејзиниот вереник, музичарот Машин Ган Кели што го замолила да ѝ направи дете.
„Никој со подобра коскена структура не чекорел по земјата. Исклучително згоден. Или убиј ме, или оплоди ме. Тоа се единствените опции“, му напишала 36-годишната актерка на својот 32-годишен вереник.
На фотографиите, музичарот е како лик од серијата „Игра на тронови“, облечен во проѕирен, светкав корсет и панталони од латекс, а русата коса му е фатена во пунџа.
Како потсетување, Меган Фокс има три сина со нејзиниот поранешен сопруг Брајан Остин Грин – Ноа (10), Боди (8) и Џурни (6), а Машин Ган Кели ја има ќерката Кеси (13) со поранешната девојка Ема Кенон.
Фокс неодамна објави голи фотографии на својот инстаграм-профил, поради што доби критики од корисниците на социјалната мрежа. Според нив, таа треба да внимава како се претставува во јавноста бидејќи има деца.
„Чекај, чекај… Јас имам деца? О, Боже, знаев дека заборавив нешто. Ве молам, брзо јавете се во хотелот Беверли Хилс, таму последен пат ги видов. Можеби некој ги предал во ‘изгубено – најдено’“, им одговорила Фокс.
Инаку, Фокс и Кели се верија во јануари годинава, само еден месец пред таа да го финализира разводот со Грин.
Поврзани вести
Холивудската актерка во ултра провокативно издание: Меган Фокс позирала во бикини, на нејзините сексапилни пози не одолеал ниту нејзиниот вереник
Никогаш посекси фотографија од Меган Фокс во минијатурно бикини: „Не гледам како другите ме гледаат…“
