Подготовките за Божиќ полека почнуваат, а во британското кралско семејство овој празник ќе биде сосема поинаков со оглед на тоа што ќе биде прв откако почина кралицата Елизабета. Кралот Чарлс ќе го прослави во кругот на најблиските, но без принцот Хари и Меган Маркл, кои планираат да ја одбијат поканата на неговото височество.

Како што пренесува британски „The Sun“, односите продолжуваат да се влошуваат поради новите мемоари на Хари. Еден од инсајдерите верува дека врската е во тешка состојба бидејќи мемоарите на Хари, кои се очекува да бидат објавени во јануари следната година, се очекува да откријат многу од “валканиот веш“ на кралското семејство. Тој, исто така, потврди дека членовите на кралското семејство оваа недела биле „целосно изненадени“ од насловот на книгата „Резервни“, додека издавачите на мемоарите рекоа дека тоа е „брутална, непоколеблива искреност“.

-Оваа книга може да значи крај на секоја врска што Хари сака да ја има со своето семејство, тоа е очајно тажно, изјавил изворот.

Оваа недела многумина истакнаа дека титулата покажува дека на принцот Хари сè уште му пречи неговиот понизок статус. Еден експерт дури го нарече „патетично“ копање во кралското семејство кое покажува дека принцот „не продолжил понатаму“.

Обемните мемоари на Хари треба да се појават во книжарниците на 10 јануари – ден по 41-от роденден на Кејт Мидлтон и само четири месеци по смртта на кралицата.