Денеска се навршуваат 30 години од смртта на големиот српски пејач Тома Здравковиќ.

Неговата четврта сопруга Гордана со која легендарниот пејач беше во брак до крајот на својот живот која инаку живее во Канада, прва пристигна на неговиот денешен помен.

Таа ја погали сликата на пејачот и го бакна неговиот гроб, а на гробот пристигна и актерот Милан Мариќ кој во филмот „Тома“ маестрално го глуми главниот лик.

По нивното гушкање, таа го погали по главата и му упати честитки за улогата во филмот, таа целата во солзи едвај се држеше на нозе.

Инаку на едно свое телевизиско гостување пред неколку дена Гордана за актерот Милан изјави дека тој во филот е 99% Тома.

-Не очекував тој толку да влезе во неговата улога и емоции. Тој во една прилика ми кажа дека не му е важна биографијата на Тома, туку емоциите за да дознае што е тоа во животот на пејачот што се вели „тага“. Секој гест на актерот, движење, мимика, лицето…толку потсетува на Тома што е неверојатно, раскажа таа.