Душко Тошиќ последните денови доживува вистинска драма. Имено, неговата сопруга Јелена Карлеуша пред пет дена прво го пријавила во полиција за насилство, што тој остро негираше, но сепак му беше забрането да се приближува и да комуницира со Јелена, дури 30 дена.

Тошиќ проговори само еднаш и во таа прилика истакна дека не бил насилен во времето кога се скарал со сопругата, а неговата денешна објава растажи многумина.

Имено, Душко се прости од својот млад колега, Ахмед Чалик, кој загина во сообраќајна несреќа. Младиот репрезентативец на Турција го загубил животот кога неговото возило излегло од контрола на патот Анкара – Никаде, објавија тамошните медиуми.

Тошиќ и Чалик три години играа заедно во турскиот Генчербирлиги од 2012 до 2015 година. Душко објави своја фотографија со емотикони на кои се гледа колку тешко му паднала оваа трагична вест, а покрај сликата на турски напишал: „Почивај во мир“.