Уметникот Раде Шербеџија отсекогаш важеше за голем заводник и вистински шармер, а со Лена Удовички со децении ужива во хармоничен брак, но пред неа беше лудо вљубен во убавата Иванка со која беше речиси две децении.
Имено, првата сопруга на Раде била Иванка Церовац од Загреб, негова врсничка која секогаш со милост ја нарекувал балерина и која му го украла срцето на прв поглед.
Раде во 1969 година дипломирал на Академијата, а Иванка на Школата за ритмика и танц. Тоа беше вистина, искрена младешка љубов, но иако беа сродни души, нивниот брак не беше предодреден да трае, а првите години ги одбележаа и нивните први професионални успеси. Шербеџија брзо се ангажирал во градскиот театар „Гавела“ каде ги играл Шекспировите „Хамлет“ и „Ричард Трети“, а Иванка станала танцова кореографка во Загребскиот младински театар.
Добија две деца, синот Данило се роди во 1971 година, кој го доби името по таткото на Раде, а две години подоцна и ќерката Луција. Раде веќе имаше големо актерско искуство, но како што растеше неговата слава, така и бракот со Иванка почнувал да пропаѓа. Интересен е фактот што Шербеџија во својата песна ја призна вината за пропаѓањето на бракот.
Првата сопруга на Шербеџија и актерот се разведоа во 1987 година.
Раде посвети на Иванка и стихозбирка во која напиша трогателни стихови: „не остана ништо од нас, освен две возрасни деца кои со својот живот не уверуваат дека сето тоа не било само сон и илузија“.
Поранешните сопружници останаа пријатели и по разводот и така останаа до 2010 година, кога Иванка ненадејно почина од мозочен удар на 63-годишна возраст, а оваа вест многу го погоди Раде, кој никогаш нема да ги заборави спомените од младоста.
Популарниот актер е денес во брак со Ленка Удовички, со која има три деца – Нина, Милица Алма и Вања.
