Англискиот актер Дејвид Ворнер, кој се прослави со улогата во филмот „Титаник“, почина на 80-годишна возраст од болест поврзана со рак.

Дејвид почина во недела, на 24 јули во домот за стари лица во Денвил Хол.

– Ќе ни недостига, на неговото семејство и пријателите, а ќе го паметиме како човек со љубезно срце, дарежлив и сочувствителен, партнер и татко, чија исклучителна работа влијаеше на животите на многумина. Нашите срца се скршени – се вели во изјавата на семејството дадена за Би-Би-Си.

Ворнер често го глумеше негативецот, како во „Триесет и девет чекори“ од 1978 година и „Тајм бандити“ од 1981 година.

Една од неговите улоги беше во блокбастерот Титаник на Џејмс Камерон, во кој тој го играше Спајсер Лавџој, злобниот помошник на Били Зејн.

Една од неговите последни улоги беше во филмот Мери Попинс се враќа во кој го играше ексцентричниот адмирал Бум.