Поради пандемијата на коронавирусот, познатата канадска пејачка Селин Дион повторно ја одложи европската турнеја што беше закажана за периодот од 16 март до 16 јуни оваа 2021 година. Новите датуми се поместени меѓу 25 мај и 24 септември 2022 година, објави нејзиниот тим.
Според новите најави, „Светската турнеја на храброста“ во Европа почнува со концерт на 25 мај следната година во Бирмингем, Англија. Ова е второ одложување на турнејата – првично планирана за 2020 година.
-Навистина се надевав дека ќе се видиме во Европа оваа пролет, но за жал мора да почекаме уште малку, ситуацијата сè уште не е доволно безбедна, рече пејачката во своја видеопорака, на француски и англиски јазик.
За во Париз се предвидени неколку концерти догодина – на 16., 17., 20., 21., 23. и 24 септември. (МИА)
Поврзани вести
ПРВПАТ ВО ЈАВНОСТА ОТКАКО И БЕШЕ ДИЈАГНОСТИЦИРАНА БОЛЕСТА – еве како изгледа славната пејачка, една промена неа со сигурност ќе забележите (ФОТО)
Ен-Би-Си: Бајден размислува за турнеја низ Европа за време на годишнината од почетокот на руската инвазија врз Украина
