Хрватската пејачка Даниела Мартиновиќ конечно проговори за раскинувањето со пејачот Петар Грашо како и за неговото стапување во брак со 14 години помладата Хана Хулиќ.
Даниела прв и последен пат рече дека ќе се огласи на оваа тема, а изјавата ја дала за хрватското „Стори“.
-Многу е тешко да разликувате што е загуба, а што добивка, бидејќи она што во еден момент ни се чини загуба своевремено ни станува добивка, еднакво така и тоа што ни е добивка со текот на времето можеме да го доживееме како загуба. Тоа е чудото на времето, рече кратко и јасно пејачката.
Инаку тие беа во врска повеќе од 20 години, а сега Грашо го очекува и неговото прво дете со ќерката на Тончи Хулиќ.
Даниела инаку со години наназад имаше желба да се оствари како мајка, а своевремено во јавноста има изјавено и дека тоа и било тешка борба.