Покрај филмот за Џеј Рамадановски, се снима и филм за популарната пејачка, Зорица Марковиќ, која откри што ќе гледаме во оваа продукција.
Зорица Марковиќ се здоби со популарност во 80-тите и 90-тите години кога ја обиколи поранешна Југославија и продаде над 12 милиони плочи. Познато е дека животната приказна на пејачката е и тешка и дека зад себе има многу турбулентно минато.
Таа ни откри дека за неа се снима филм, а како што вели таа ќе ја игра главната улога во филмот.
Имено, Марковиќ во својата изјава за српските медиуми откри дека многу се работи на филмот кој ќе зборува за нејзиниот живот, како и дека филмскиот проект ќе покаже се, па и најмали детали за неа.
-Работиме на филм за мојот живот. Тоа навистина нема да биде класика за мојот живот и за мене како личност, но ќе биде нешто навистина различно. Целиот мој живот и она што сум го направила во животот и целото мое постоење ќе бидат прикажани на поинаков начин. Во филмот ќе има се и сешто, изјави Зорица, а потоа откри дека главната улога ќе и припадне неа.
-Во филмот се играм себеси, а околу мене ќе има врвни актери. Токму затоа се согласив затоа што сакам да бидам тоа што сум, рече таа.
Да потсетиме дека таткото на легендарната пејачка сакал да ја убие со ловечка пушка кога таа за прв пат се развела поради прељуба и се вратила во семејниот дом. Немала среќа во љубовта.
