Асистентот на режисерот кој на актерот Алек Болдвин му го даде пиштолот со кој ја уби директорката на фотографија на сетот проговори за прв пат по трагедијата. Дејвид Холс за Њујорк Пост изјави дека е „шокиран и тажен“ од смртта на Халина Хачинс.

– Халина Хачинс не само што беше една од најталентираните луѓе со кои работевме, таа беше и моја пријателка, рече Халс.

За улогата на Халс во несреќата на 21 октомври во Ново Мексико се шпекулира откако тој им рекол на истражителите дека требало да го провери оружјето, но дека не го сторил тоа.

Болдвин пукал од реплика пиштол на снимањето на вестернот, ја убила директорката на фотографија Халина Хачинс и го ранил режисерот Џел Суза. Тие биле погодени од пиштол со стартна муниција што се користи во филмската индустрија.

Халина, Хачинс (42) била евакуирана со хеликоптер во блиската болница каде лекарите констатирале смрт.