Поранешниот партнер на Мерима Његомир, Драгољуб Марковиќ, ја одржал свадбената веселба на неговата ќерка на ранч во Сурчин, но неговата поранешна сопруга, мајката на невестата, не се појавила поради поделба на имотот.

-Имаше многу добра забава, но не можеше да помине без конфликт. Дарија се омажи за својот избраник, Милутин Пешиќ, со кој има дете и немаше навестување дека нешто може да тргне наопаку. На забавата биле Бранислав Лечиќ, како и Горан Бреговиќ, блиските пријатели на Драгољуб, но останатите гости забележале дека мајката на невестата не се појавила, а тоа е поради конфликтот што настанал околу станот во центарот на Белград, вели соговорникот и ги објаснува деталите.

-Првата сопруга на Драгољуб, од која се разведе пред триесетина години, на секој начин се труди тој стан да си го присвои за себе, на штета на своето дете. Драгољуб еднаш го купил тој имот и го оставил на својата ќерка. Меѓутоа, нејзината мајка и го зела станот и не сака да и го даде. Поткровјето што го реновирал Драгољуб бил во сопственост на неговата поранешна сопруга, а кога завршила адаптацијата таа одбила да му го префрли станот на нивното дете, иако тоа бил договор. Невестата блескаше како да не се грижи што мајка и не се појави на најважниот ден од нејзиниот живот. Па, конфликтот е во тек и којзнае како ќе заврши,  тврди изворот.

„Тоа што го слушнавте е точно. Не би сакал да навлегувам во детали за семејните проблеми. Жално е тоа што го прави мајката на моето дете. Не би сакал да навлегувам во детали“.

Инаку, Мерима Његомир и Драгољуб ја започнаа својата врска во февруари 2015 година. По два месеци пејачот од центарот на градот се преселил на својот имот во Сурчин. Заедно живееле околу година и пол, а потоа раскинале есента 2016.

Мерима Његомир почина пред две години по битка со опасна болест. Тогаш Драгољуб со болни зборови се прости од неа.

– Тоа се страшни вести. Еден од најголемите пејачи од нашите простори некогаш замина. Многу нежна и во исто време силна личност. Навистина ми е бескрајно жал. Пред 10 дена ми се јави од болница, страшно се потресов после тој разговор. Тоа беше нашиот последен разговор, изјави Драгољуб за медиумите.