„Не мора да си богат или убав, само биди добар и подари ми цвет“, пееше Тајчи пред 33 години на Евровизија и го освои седмото место на натпреварот во 1990 година што се одржа во Загреб.
Татјана Камерон сега живее во Тенеси, а на својот Инстаграм профил објави дека вчера го прославила својот 53-ти роденден.
-Навистина сум среќна! Ви благодарам на сите за прекрасната роденденска забава што моите момци ми ја приредија во ресторан во центарот на Френклин и прекрасните чоколади што ми ги подарија моите синови“, напиша таа.
На роденденските честитки се придружија и многу евровизиски фанови кои ја следат на Инстаграм.