Докторката Дон Хјуз сведочеше во корист на Амбер Херд и пред судот истакнала дека актерката доживеала сексуално злоставување.

На продолжението од судењето меѓу Амбер и Џони Деп, свој исказ даде и Хјуз која е клинички и форензички психолог, а претставена била како експерт за семејно насилство.

Доктор Хјуз за време на сведечењето истакнала дека Херд и признала дека повеќе пати била сексуално злоставувана од страна на Деп. Како што вели, актерот бил пијан или дрогиран, ја фрлил на креветот, и ја соблекол ноќницата и се обидел да има секс со неа.

-Ја присилувал да му оружи орален секс кога бил лут. Тоа не биле моменти на љубов, тоа се моменти на доминација. Мислел дека е прифатливо да и ја тргне ноќницата, да ги забие прстите во нејзината вагина додека бара кокаин, нагласува психологот.

За инцидентот кој се случил во Австралија, а во кој Деп останал без врвот на прстот за време на кавга со Херд, докротката вели дека бил „еден од најтешките“.

-Додека ја тепал и гушел притоа говорејќи и дека ја мрази и дека е***о ќе ја убие, госпоѓа Херд се дистанцирала и излегла од своето тело. Единствено што тогаш размислувала било „О, Боже се надевам дека не е скршен“, рекла докторката.

Според неа Херд се борела да ги совлада емоциите, а претрпела и физичко насилство. Докторката рекла дека Деп практикувал присилна контрола над Амбер, бил опсесивно љубоморен. Нејзините амбиции ги сметал за негативни и постојано ја омаловажувал велејќи и дека не било потребно да ги покажува градите и задникот.

Се обидел да ја контролира и што ќе носи, и често и зборувал дека ниедна негова жена нема да се облекува како ку**а.

Докторката донела заклучок дека во нивниот случај станувало збор за „насилство од страна на интимен партнер“ и дека злоставувањето вклучувало физичко насилство, психичка агресија, присилна контрола, сексуално насилство. И дијагностицирала на Амбер ПТСП, а како причина го навела злоставувањето од страна на Деп.