Само што зачекори на црвениот тепих на филмскиот фестивал во Торонто, сите очи биле вперени во прекрасната актерка Џулија Робертс.

50-годишната глумица која во последните година дена навистина имаме ретка можност да ја погледнеме на свечени настани, нè воодушеви сите со својата безвременска убавина и витка линија која дополнително ја нагласи со изборот на фустан.

Џулија во Торонто го претстави својот нов филм „Ben Is Back”, а за таа пригода ја одбрала оваа долга тоалета со предизвикувачки исечоци под градите и нагласените рамена. Оваа креација е дело на модниот бренд Dsquared.

Црниот фустан го искомбинира со сандали на платформа во иста боја.

Природната убавица шминката ја сведе на минимум, нагласувајќи ги само очите, додека усните ги нашминкала со неутрална нијанса. Така синоќа потврди дека сè уште е сопственичка на најубавата насмевка во Холивуд.