Легендарниот тапанар кој го придружуваше Елвис Присли во текот на неговата кариера, Рони Тут почина на 83 години, пренесуваат светските медиуми.
Неговата ќерка Тери ја објави тажната вест на Фејсбук.
-Со голема тага ве известуваме дека моето семејство и јас останавме без нашиот татко. Легендарниот тапанар Рони Тут го напушти овој свет, почина во својот дом опкружен со семејството, напиша Тери.
Многу следбеници не можеа да поверуваат за оваа вест, а неговите соработници исто така преку социјалните мрежи се простуваа од тапанарот.