Поранешната тенисерка Јелена Докиќ со последната објава ги растажи своите следбеници на Инстаграм.
Јелена во својата биографија „Нескротлива“ опиша бројни шокантни детали од нејзиниот живот.
Меѓу другото, откри дека психички и физички била малтретирана од нејзиниот татко Дамир Докиќ.
Сега таа сподели еден од трауматичните настани со своите следбеници на Инстаграм. Заедно со шокантните зборови има и фотографија од Јелена Докиќ која потврдува се што напиша поранешната тенисерка.
-Потечени и крвави потколеници од тепање и клоцање со остри чевли цела ноќ право во моите потколеници затоа што го загубив натпреварот. Овие слики се направени две недели подоцна и јас сè уште бев со модринка. Имав 17 години. До денес имам чувствителни и нерамни потколеници од овој ќотек. Секоја рана има лузна. Јас преживеав, но не секоја жена и девојка ќе преживеат. И тоа е тажна реалност. Зошто оваа објава? Денеска зборував на настан и бев тажна. Тажна и лута поради десетици милиони жени во светот за кои знам дека моментално минуваат низ многу полошо отколку што јас некогаш сум минала, напишала Јелена, па додала:
View this post on Instagram
– Само во Австралија по една жена неделно умира од семејно насилство. Една од четири жени ќе доживее семејно насилство во текот на својот живот. Бројките се уште полоши ширум светот. Колку повеќе не зборуваме за тоа, толку повеќе го избегнуваме проблемот, толку повеќе ги напуштаме жените и девојките. За оние кои го читаат ова и кои можеби доживуваат злоупотреба или семејно насилство, сакам само да знаат дека разбирам. Знам колку си исплашен. Знајте дека имате неверојатна сила и храброст. Ништо не е твоја вина. За оние кои можат да бидат тука за оние на кои им е потребна помош и поддршка. Не бегајте од нив и не ги оставајте. Ако доаѓате од некој кој бил таму, напуштен и исплашен до смрт, ве молиме не вртете го грбот. На жените и на девојките им требате вие и вашата помош, напиша поранешната тенисерка.
