Една од најпопуларните пејачки од помладата генерација, Александра Младеновиќ, сними спот и песна за насловната композиција на новата сезона на серијата „Убијците на татко ми“, која ќе се емитува наесен.

Во спотот за песната за која текстот и музиката ги направи Александра Ковач, а аранжманот Александар Софронијевиќ, пејачката има романтични сцени со актерот Вук Костиќ.

Младеновиќ за новата соработка вели дека е презадоволна и горда што екипата на споменатата серија ја избрала да ја отпее насловната песна која ќе се слуша од септември.

-За мене е големо задоволство што сум дел од ваков проект. За прв пат ја пеам главната песна во една ваква популарна серија. Вук е прекрасно момче и многу внимателен. Бев малку нервозна, а само тој ме опушти. Целиот тим е прекрасен, едвај чекам спотот и песната да ја видат светлината на денот, изјави убавата пејачка.