Синот на познатата босанска пејачка Лејла Шабиќ, Амар (27) загинал во сообраќајна несреќа која се случила во петокот на 27 октомври во Тузла.
Амар, синот на популарната пејачка попозната како Лејла Леки бил возач на автобус, а околностите под кој загинал се уште не се познати.
Пејачката по тој повод се огласила на својот Фејсбук профил каде ја тргнала најпрво својата профилна фотографија и ја заменила со црна, а потоа објавила и некролог од својот син.
Во коментари непрестанато добивала пораки со сочувство, а се огласи и нејзината снаа, односно сопругата на починатиот Амар.
Погребот се очекува да биде извршен денес, а според извештајот на полицијата, во петокот во 16:50 часот било пријавено дека се случила сообраќајна несреќа во која учествувал автобус чиј возач загинал.