Фолк ѕвездата Зорица Брунцлик годинава ќе го прослави роденденот со повеќе од 15 илјади луѓе бидејќи само еден ден порано го закажа својот спектакуларен белградски концерт за 28 јуни на стадионот „Ташмајдан“.

Бидејќи почетокот на дружењето со публиката е закажан за 21 часот, а Зорица ќе ги пее сите хитови кои ја одбележаа нејзината речиси петдецениска кариера, најпродаваната пејачка во историјата на домашната дискографија на полноќ ќе наздрави со сите кои има среќа да набават билети.

-Искрено, морам да кажам дека едвај чекам да се дружам со публиката. Како што знаат сите што ме следат, овој концерт првпат беше закажан пред повеќе од две години, но поради пандемски мерки го преместувавме неколку пати, несакајќи никого да загрозиме. Сега е конечно време да надоместиме за се што изгубивме и подготвена сум да им пеам колку што бараат од мене и подготвувам многу изненадувања. Организаторите ме информираа дека никој кој претходно купил билет за некој од датумите не побарал да го врати, и навистина им должам огромна благодарност за таа поддршка. Деновиве се работи на решавање на техничкиот дел за да важат сите за овој концерт, а јавноста за се ќе биде информирана. Публиката постојано ми дава сила, а ова ќе биде мојот начин да им се оддолжам и заедно да ја направиме најголемата и најлудата роденденска забава на овие простори, изјави Зорица.