Турскиот актер, Озкан Денис (48), кој и е познат на македонската публика по улогите во сериите „Истанбулската невеста“ и „Судбина“, може да заврши во затвор за насилство врз неговата 20-годишна поранешна сопруга Фејза Актан.

Имено, како што пишуваат турските медиуми, истрагата за случајот е завршена и обвинителството покрена тужба против Озкан во која се бара затворска казна во траење од шест месеци до максимум година и пол.

Фејза рече дека актерот ја тепал неколку пати, а прв пат тоа се случило пред три години во нивната куќа во областа Сарјер.

Таа откри дека третиот насилен инцидент се случил додека биле во Германија, а според турските медиуми, дадилката на синот на поранешните сопружници, нивни заеднички пријатели и сестрата на Фејза сведочеле пред судот.

Озкан рече дека обвинувањата на неговата поранешна сопруга не биле вистинити и тој не ги прифатил.

Манекенката ги достави како доказ наодите од болницата од јуни 2019 година, на кои пишува дека е полесно повредена.

На крајот на јануари, актерот објави фотографија со неговиот син на Инстаграм, а најчесто споделува снимки и слики од снимањето на неговите нови проекти.