Турскиот филм „Љубовни тактики“ стана еден од најгледаните на Нетфликс, а веќе се споменува снимање и на продолжението.
Филмот е објавен во средина на февруари и неколку дена по премиерата станал еден од 10-те најгледани филмови во 60 земји.
Во главните улоги се Демет Оздемир и Шукру Озилдиз, а после големиот успех, од публиката почнале да пристигнуваат барања за снимање на второ продолжение.
За тоа се огласила и Демет.
„Сè уште не сакам да кажам ништо бидејќи сè уште нема потпис. Вестите на оваа тема ги видов и на социјалните мрежи. Да, таква намера има, но сè уште ништо не е финализирано. Не сакам никого да ставам во тешка ситуација со давање изјава“, истакна тогаш 30-годишната актерка.
Во филмот станува збор за успешна блогерка, модна дизајнерка и експерт за маркетинг, која не верува во љубов и се обложува дека ќе го натера другиот да се заљуби користејќи необични методи.
