Том Круз можеби е суперѕвезда, но сè уште не ги заборавил своите манири.

Актерот (60), наводно, се извинил што го им го уништил пешачењето на една двојка додека снимал акробација за најновиот од сагата „Невозможна мисија“ (Mission: Impossible – Dead Reckoning Part First).

Двојката, Џејсон и Сара Хејгарт, изјавија за „Екстра“ дека налетале на продукцискиот тим и на актерот во текот на прошетка во националниот парк „Лејк дистрикт“ во Обединетото Кралство.

Парот сфатил дека нешто не е во ред кога виделе хеликоптер како лета над една област во планините.

Кон крајот на прошетката, почнавме да гледаме хеликоптери како доаѓаат до провалија и ги фрлаат луѓето од врвот… Бевме вчудоневидени…ова не изгледа добро…тука нешто не е во ред“, изјави Џејсон за публикацијата.

Откако хеликоптерот слетал, парот продолжил по својот пат каде налетале на Круз, подготвен да лета со параглајдер.

„Веднаш знаев дека е тој“, рече Сара. „Кога стигнавме таму, луѓето зборуваа дека се снима Mission: Impossible … но јас очекував каскадер.“

„Тој прво се извини за вревата“, додаде Џејсон. „Извинете момци, знам дека ја расипавме вашата прошетка со вревата“. А потоа рече: „Ми се допаѓа твоето куче“.