Затворениците од прилепскиот затвор се приклучија во референдумската кампања.

Според фотографијата која се појави на социјалните мрежи се гледа како затвореници осудени за тешки кривични дела како убиства, тешки кражби и трговија со дрога, носејќи маици со слоганот „Излези За“ отворено агитираат во казнено-поправната институција како да се гласа на претстојниот референдум.

Упатените неодамна алармираа дека се подготвува нов закон за амнестија со кој би се опфатиле и затворениците осудени за тешки кривични дела.

Претходно донесениот Закон за амнестија кој беше изгласан на 15 јануари, покрај амнестирањето на околу 800 затвореници, предвидуваше и намалување на казната за 30 отсто и на 3.097 осудени лица.

На овој начин, според Владата, која беше предлагач на Законот, ќе се заштеделе буџетски средства кои би се искористиле за подобрување на условите во казнено-поправните домови.

Амнестијата не се однесуваше на лицата осудени со правосилна пресуда за: доживотен затвор, за кривично дело Убиство, за силување и педофилија, за тероризам и кривични дела против државата, за кривични дела против јавниот ред и мир, за кривични дела против човечноста и меѓународното право.