Германската Влада денеска одлучи да го продолжи распоредувањето на војници во Ирак за уште една година, јави новинската агенција ДПА.
Германските војници учествуваат во борби против Исламската држава во Ирак и во Сирија, а се распоредени и како инструктори на ирачката армија. Мандатот на сегашната мисија требаше да истече на 31 октомври.
Владата донесе одлука од следната година да престане со разузнавачките летови што ги вршат германски авиони Торнадо, како и со воздушното полнење на авиони кои учествуваат во борбени мисии.
