Многу скоро беше кога се говореше дека нема да се смени уставното име. СДСМ не доведе во ситуација други да ни ја пишуваат историјата, рече Слаѓана Митовска од ВМРО-ДПМНЕ гостувајќи на дебата на МРТ. Таа посочи „историјата е нешто што поминало, а СДСМ не доведе во ситуација да ни се пишува нова историја“.

-Да беа доследни премиерот Зоран Заев и министерот за надворешни работи, Никола Димитров ќе беше друго. Вака ние сме ставени во ситуација ништо да не и гарантирано на Македонија, а Македонија прави многу отстапки. Нема гаранција за влез во НАТО и ЕУ, а се менува име. Не се знае кога пак ќе ни се стави сопка на патот кон ЕУ и НАТО. Во ЕУ и во НАТО се оди само со реформи, а со владата на СДСМ има само назадување во сите полиња, рече Митовска.

Според неа одлуката да се смени уставното име е спротивно на ставот на граѓаните.

-Доколку граѓаните оценеа дека Македонија ќе влезе во ЕУ и НАТО ќе проценеа и ќе излезеа на референдумот, додаде Митовска.