На 22-годишна возраст почина ќерката на познатиот тапанар од хеви метал групата „Слипкнот“, Шон Крејн.
Шон, кој што е тапанар на американскиот бенд и познат под сценското име „Кловн“, на социјалните мрежи објави дека почина неговата најмала ќерка.
-Со скршено срце и голема болка, ве известувам дека почнина мојата најмала ќерка, Габриел, напиша музичарот.
-Имаше 22 години. За деталите околу погребот благовремено ќе бидете известени. Семејството и јас ве молиме за приватност за да можеме да продолжиме понатака. Ви благодарам, додаде тој на социјалната мрежа на Инстаграм со објавената црно-бела фотографија од неговата покојна ќерка.
Музичарот не ја откри причината за смрта на неговата ќерка.
Шон е еден од основачите на групата „Слипкнот“, а е познат по носењето на маската од кловн во 1995 година.
Од 22-годишната Габриел на Твитер се прости и фронтменот на групата Кори Тејлор.
-Срцето ми е скршено поради мојот брат. Ве молам, имајте љубов за семејството Крејн. Ќе ни недостасуваш Габриел, напиша Тејлот.
My heart has broken for my brother. Please keep the Crahan family in your thoughts and love. She will be missed.
— confirm: 0-0-0… DESTRUCT… 0 (@CoreyTaylorRock) May 19, 2019