Владата склучи договор од над 56 илјади евра за привремени вработувања со Агенцијата за привремени вработувања „Мотиви“, објави БИРН.
Според склучениот договор, агенцијата ќе треба да ангажира работници како замена за привремено отсутен работник, при привремено зголемен обем на работа, за работа на проекти и сл. Во август минатата година, со истата агенција, Службата за општи и заеднички работи на Владата склучи договор за привремени вработувања за околу 50 илјади евра.
Освен Владата, и Собранието бара работници за привремено вработување. Денеска беше објавен огласот за привремени вработувања за над 13 илјади евра, а основниот критериум е најниската цена.