Речиси сите министри во индиската Влада заспаа за време на претставување на буџетот на земјата за оваа година.
Министерката за финансии на Индија, Нирмала Ситхараман го собори сопствениот рекорд за најдолг говор, зборувајќи денеска на говорницата точно два часа и 38 минути.
Очевидно, по говорот, не само што Ситхараман беше уморна, туку и парламентарците се досадуваа.
По завршувањето на говорот, парламентарците беа целосно истоштени и побараа законски да се ограничи должината на говорите.
Претходниот рекорд на Ситхараман беше минатата година, повторно за време на презентација на државниот буџет, кој траеше малку пократко – „само“ два часа и 13 минути.
