Српскиот рапер Стефан Ѓуриќ-Раста е уапсен вчера во Белград, јавуваат локалните медиуми.
Според српските медиуми, Раста, чии песни ги обожаваат младите низ целиот регион, бил уапсен со неколку пакетчиња марихуана во центарот на градот.
Полицијата изврши претрес во станот на 30-годишниот музичар и најде големо количество на марихуана. Раста е задржан во притвор.
Раста е познат како корисник на марихуана кој често се фотографира како ја пуши во јавноста и ја промовира нејзината употреба. Пред две години беше снимен како витка џоинт во банкнота од 50 евра, а фановите го нападнаа на Инстаграм затоа што пушел и пред својата ќеркичка.