Во 20 часот, втора вечер по ред, почна полицискиот час кој ќе трае до 05 часот изутрина. Во овој временски период движењето е ограничено.

Одлуката за затворање ќе трае до 20 април 2021 година, а како што соопшти Владата, објектите кои вршат подготовка и продажба на храна може да продаваат преку онлајн или телефонска нарачка и да вршат достава на храна или самостојно подигнување на нарачката надвор од угостителскиот објект, преку пулт.

Целосна забрана да примаат гости ќе имаат и хотелите, мотелите, хостелите, пансионите и други објекти за сместување или на бензински станици кои имаат делови за служење храна, а исклучок се рестораните во склоп на хотелите, мотелите, хостели и пансиони за оние лица кои се сместени како гости, како и угостителскиоте објекти на Меѓународниот Аеродром Скопје и Аеродромот „Св. Апостол Павле“ во Охрид.

Обложувалниците ќе можат да работат без да примаат гости во своите објекти и уплатите да ги вршат преку наплатен пункт.

Исто така, затвотени се сите угостителски објекти, како и угостителскиот дел од обложувалниците, фитнес салите, спортските и салите за вежбање,а забрането е и организирање, одржување и учество на семинари, обуки, работилници, курсеви, конференции.