Дербито во машката ракометна Супер лига меѓу екипите на Еурофарм Пелистер и Вардар ќе се одигра в четврток во Битола во салата „Боро Чурлевски“, со почеток во 18 часот, а веќе е познато и кои судии ќе се делат правдата.
Тоа се најдобрите арбитри од Македонија, Ѓорѓи Начевски и Славе Николов кои го судеа и финалето од Купот на Македонија во кое играа истите тимови.На оваа средба делегат ќе биде Русе Наумовски.
Ова е 10. коло од плеј-офот, па веќе финишира сезоната и дефинитивно ова ќе биде натпревар кој ќе го даде новиот шампион на Македонија.
