Фолк-пејачот Дарко Лазиќ неодамна ексклузивно за Телеграф ЏетСет откри дека тој и неговата свршеница Марина Гагиќ дефинитивно завршиле, а сега откри дека планира да се пресели во Германија.
Имено, фолкерот реши радикално да го смени животот и да започне од почеток, па ја објави својата нова одлука.
– Сите ме прашуваат за нови песни, но, да ви кажам право, не работам албум, имам други планови. По летната сезона, се селам во Германија – изјави Дарко.
Пејачот донесе драстична одлука, а планира да започне и сопствен бизнис, односно отворање кафуле.
– Да, тоа е дефинитивно, решив да започнам целосно нов живот. Имам 30 години, доста беше зафрканции. Живеев и доста преживеав, сега е време да направам нешто. Мојот план е да отворам кафуле или ресторан таму, да се оженам. Ќе видиме како ќе излезе – рече Лазиќ, кој нема да се откаже од својата пејачка кариера.
– Пеењето е моја прва љубов и ќе продолжам да пеам. Го сакам тоа и знам како да го направам тоа, само ќе се тргнам од тука. Повеќе не ми се допаѓа овој начин на живот и целото лудило што се случува околу мене. Сигурно е дека ќе ми недостига семејството, мајката, децата, но ќе се видиме. Не планирам да се заљубам, ако се случи тоа – супер. Тоа не е мојата примарна цел сега. Можеби ќе најдам среќа таму и ќе изградам семејство – беше искрен Лазиќ, кој ќе има работа да заврши во текот на летото. Неговите рокови се скоро завршени до септември.