Од почеток на годинава во земјава се извршени 154 медикаментозни абортуси и 90 абортуси во стандардна оперативна процедура.
Ова се податоците кои денеска ги посочија министерот за здравство Венко Филипче и директорката на скопската Клиника за гинекологија.
-Со измените во Законот волјата на жената ја ставивме на прво место. Кај 150 жени е избегната стандардната процедура и давањето на анастезијата што е една значајна придобивка бидејќи се избегнуваат сите ризици , истакна Филипче.
Државниот завод за статистика минатата недела објави дека во Македонија лани е евидентиран негативен природниот прираст од 6724 луѓе.
