Портпаролот на Талибанците, Забихула Муџахид на првата официјална прес -конференција изјави дека по освојувањето на целата територија на Авганистан и влегувањето во Кабул, тие им ги гарантираат на жените сите права според шеријатските закони, додавајќи дека жените можат да работат во образованието и здравството.

Сепак, на социјалната мрежа Твитер беше објавено видео, на кое се гледа како жените сакаат да побегнат од Авганистан од талибанците.

Снимка болна за гледање од авганистански девојки на аеродромот во Кабул. Тие бараат од американските војници да им дозволат да го напуштат Авганистан, стои во описот на Твитер.

Painful video shows Afghan girls at #Kabul airport begging #US troops to let them leave #Afghanistan. These girls know what is coming for them in life under Sharia laws of #Taliban. They are allowed to go to school until age of 12. After that, Taliban turns them to child brides. pic.twitter.com/ycZeUOscWe

— Babak Taghvaee – Μπάπακ Τακβαίε – بابک تقوایی (@BabakTaghvaee) August 18, 2021

Тие знаат што ги чека сега кога Талибанците го зазедоа поголемиот дел од земјата и каков живот ги чека според строгиот шеријатски закон.

Тие ќе можат да одат на училиште само до 12 -годишна возраст, по што ќе треба да се венчаат.

За потсетување, талибанците во неделата влегоа во главниот град на Авганистан, Кабул. После тоа, беше организирана итна евакуација на дипломатите, а илјадници исплашени граѓани брзаа кон сите граници и аеродромот во Кабул.