Српската премиерка Ана Брнабиќ потврди дека разговарала телефонски со министерката за надворешни работи на Австралија и дека разговорот за Новак Ѓоковиќ бил конструктивен.
Таа истакна дека српската страна се обидува да направи сè за да го олесни ова што му се случува на Ѓоковиќ.
„До финалната одлука останува во хотелот. Успеавме да му се испорачува храна без глутен, да добие справи за вежбање, му дадоа лаптоп, сим-картичка, да биде во контакт со семејството“, кажа Брнабиќ. Додаде дека се надева дека барем малку му е олеснет престојот таму.
„Има позитивен тон од австралиска страна. Владата на Србија е спремна да ги пружи сите гаранции за Новак да го пуштат во Австралија, а вклучен е и претседателот“, кажа таа.
