Абортусот е, под било какви околности, забранет во Ел Салвадор. Ова ги вклучува дури и случаите на силување, инцест или кога здравјето на жената е во опасност. Државата, исто така, гони 181 жена кои претрпеле итни акушерски случаи

-Властите во Ел Салвадор во средата ослободија жена која отслужи десет години од 30-годишната затворска казна за “тешко убиство“, откако морала да има итен абортус. Таа беше престрого осудена за тоа, пренесува Sky News.

Елси, чие презиме не беше објавено од причини за приватност, доживеа спонтан абортус во јуни 2011 година додека работеше како домашна помошничка, објави локалната непрофитна организација Граѓанска група за декриминализација на абортусот (ACDATEE).

Локална група за човекови права соопшти дека таа набрзо била уапсена и обвинета за тешко убиство.

ACDATEE објави фотографија од Елси откако таа излезе од затвор. Групата рече дека нејзините првични судски постапки биле полни со неправилности и без презумпција на невиност.

– Го славиме ослободувањето на Елси по 10 години. Нејзината неправедна 30-годишна затворска казна за тешко убиство заврши. Мора да продолжиме неуморно да се бориме за ослободување на оние кои се лишени од слобода, се вели во соопштението на претседателката на непрофитната организација Морена Херера.

Елси била одвоена од синот кој ја имал само неа. Сега, повеќе од 10 години подоцна, таа ќе може повторно да се обедини со него и неговото семејство, соопшти организацијата.