Никој не може да гарантира колку време актуелната политичка гарнитура во Бугарија ќе се одржи на власт и какви следни барања од нас би можела да има некоја наредна, вели претседателот Стево Пендаровски во своето вечерашно гостување во емисијата „Патот кон“ на Алсат. Говорејќи на темата околу барањето на Бугарија за внес на Бугарите во македонскиот Устав, Пендаровски вели:
„Малкумина се оние кои ќе ви потврдат дека владата на Петков може да издржи 7-8 години. До нашиот формален влез во ЕУ. Од кого да бараме такви гаранции. Политика е ова. Следната влада ќе рече – ова што потпишала претходната влада, биле предавници на нашата кауза, не нѐ интересира. И? Не можеме да го отвораме Уставот по потреба, секој понеделник“, вели Пендаровски.
